qazaqistanda qedimki türk yéziqliri yoruqluqqa chiqqan kün xatirilendi
qazaqistan paytexti nursultanda qedimki türk yéziqining oqulghanliqining 126-yilliqi munasiwiti bilen paaliyet ötküzüldi.
türkiye awazi radiyosi xewiri: ulugh budun (ulugh xelq) jemiyiti qazaqistan milliy muzéyida paaliyet ötküzüldi we qedimki türk yéziqlirigha munasiwetlik höjjetlik filim qoyuldi. mutexessisler qedimki türk yéziqlirigha munasiwetlik léksiyeler sözlidi.
ulugh budun jemiyitining bashliqi meruert qurmangaliyéwa 25-noyabir künining qedimki türk yéziqi oqulghan kün ikenlikini bildürüp: «türk yéziqi türk xelqlirining birlishish asasini teshkil qilidu. meqsitimiz medeniyet, senet we tarix wastisi bilen türk döletlirini birleshtürüshtur» dédi.
u türk yéziqi oqulghan 25-noyabirni barliq türk jumhuriyetliride tebriklesh arzusinimu eskertip: «kéler yili mushundaq paaliyetlerning barliq türk xelqliri teripidin ötküzülüshini ümid qilimiz» dédi.
u qizil orda we almuta ishtatliridimu tebriklesh paaliyetlirining ötküzülgenlikini eskertti.
paaliyetke, türkologlar we her sahediki akadémiklardin bashqa, uyghur, qazaq, qirghiz, türkmen, altay, gagawuz, tatar, hakas qatarliq türk xelqlirining wekillirimu qatnashti.
1893-yili 25-noyabir daniyelik tilshunas kopénhagén uniwérstétining oqutquchisi wilhélm ludwig tomsén(WilhelmLudwig Thomsen) türklerning tarixini yorutup béridighan orxun tash abidiliridiki tékistlerni oqughan idi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
