türkiye ahiska türklirining ittipaqliqigha hesse qoshushni dawmlashturidu

türkiye awazi radiyosi xewiri: tashqi ishlar ministirliqidin élan qilinghan yazma bayanatta, kichik balilar, ayallar we yashanghanlarnimu öz ichige alghan texminen 100 ming ahiska türkining 1944 – yili 14 - noyabirda giroziyening ahiska rayonidiki ana wetinidin sowit ittipaqining uzaq rayonlirigha sürgün qilinghanliqini eskertti.

gheyri insaniy sharaittiki bu sürgünde nurghunlighan ahiska türklirining jénidin ayrilghanliqi, hayat qalghanliriningmu yollanghan rayonlarda éghir qéyinchiliq ichidiki türmüsh kürishini bashtin küchürgenliki tekitlinip, jemiy 9 döletke tarqaqlashturulghan we sani 500 minggha yétidighan ahiska türklirining giroziye qatarliq turushluq döletlerde sürgünning 75 –yilini xatiriligenliki qeyt qilindi. 

bayanatta mundaq déyildi:

«türkiye؛ ahiska türklirning özi turushluq döletlerde ittipaqliqini we kimlikini qoghdishi shundaqla yéngi ewlatlargha yetküzishi üchün qolidin kelgen her türlük yademlerni qilishni dawmlashturidu. ahiska türklirining ana wetenliri bolghan ahiskagha qaytish bashquchining ghelibilik tamamlinishini, ahiska türklirining turushluq döletlerdin bashqa yene, ana wetenliridimu xatirjemlik we tinchliq ichide hayat kechürüshni dawmlashturishini ümit qilimiz. sürgünning 75 – xatire yilida, ahiska türklirining azablirini chin yürektin chongqur hés qilimiz. sürgünde hayatidin ayrilghan qérindashlirimizning eziz xatirilirini hörmet bilen esleymiz we allahtin ulargha rehmet téleymiz»