түркийә аһиска түрклириниң иттипақлиқиға һәссә қошушни давмлаштуриду

түркийә ташқи ишлар министирлиқи аһиска түрклириниң сүргүн қилинишиниң 75 – хатирә йилида, түркийәниң аһиска түрклириниң бирликини қоғдиши вә йеңи әвладларға йәткүзәлиши үчүн һәссә қошушни давамлаштуридиғанлиқини елан қилди.

түркийә аһиска түрклириниң иттипақлиқиға һәссә қошушни давмлаштуриду

түркийә авази радийоси хәвири: ташқи ишлар министирлиқидин елан қилинған йазма байанатта, кичик балилар, айаллар вә йашанғанларниму өз ичигә алған тәхминән 100 миң аһиска түркиниң 1944йили 14 - нойабирда гирозийәниң аһиска районидики ана вәтинидин совит иттипақиниң узақ районлириға сүргүн қилинғанлиқини әскәртти.

ғәйри инсаний шараиттики бу сүргүндә нурғунлиған аһиска түрклириниң җенидин айрилғанлиқи, һайат қалғанлириниңму йолланған районларда еғир қейинчилиқ ичидики түрмүш күришини баштин күчүргәнлики тәкитлинип, җәмий 9 дөләткә тарқақлаштурулған вә сани 500 миңға йетидиған аһиска түрклириниң гирозийә қатарлиқ турушлуқ дөләтләрдә сүргүнниң 75йилини хатирилигәнлики қәйт қилинди. 

байанатта мундақ дейилди:

«түркийә؛ аһиска түрклирниң өзи турушлуқ дөләтләрдә иттипақлиқини вә кимликини қоғдиши шундақла йеңи әвлатларға йәткүзиши үчүн қолидин кәлгән һәр түрлүк йадәмләрни қилишни давмлаштуриду. аһиска түрклириниң ана вәтәнлири болған аһискаға қайтиш башқучиниң ғәлибилик тамамлинишини, аһиска түрклириниң турушлуқ дөләтләрдин башқа йәнә, ана вәтәнлиридиму хатирҗәмлик вә тинчлиқ ичидә һайат кәчүрүшни давмлаштуришини үмит қилимиз. сүргүнниң 75хатирә йилида, аһиска түрклириниң азаблирини чин йүрәктин чоңқур һес қилимиз. сүргүндә һайатидин айрилған қериндашлиримизниң әзиз хатирилирини һөрмәт билән әсләймиз вә аллаһтин уларға рәһмәт теләймиз»

 

 



مۇناسىۋەتلىك خەۋەرلەر