қазақистанниң нефит ишләпчиқириш миқдари ашти

түркийә авази радийоси хәвири: қазақистан енергийә министирлиқи йилниң дәсләпки 10 айлиқ нефит ишләпчиқириш миқдари тоғрисида байанат елан қилди.

министирлиқниң байанатида, бу йилниң 10 ейида нефит ишләпчиқиришиниң 74 милйон 800 миң тонна икәнлики вә буниң ичидә 59 милйон 56 миң тоннасиниң експорт қилинғанлиқи қәйт қилинди.

байанатта, қазақистанниң үч чоң нефит қудуқидин бири болған кашаганда 11.5 милйон тонна, тәнгиздә 24.6 милйон тонна вә карачаганакта 9.1 милйон тонна нефит ишләпчиқирилғанлиқи әскәртилди. байанатта мундақ дейилди:

«қудуқлардики асираш хизмәтлири сәвәбидин асаслиқ ишләпчиқириш тохтитилған болсиму, күтүлгән нефит ишләпчиқириш миқдари ашти.»

байанатта, өткән йили (2018) 90.4 милйон тонна нефит ишләпчиқирилғанлиқи хатирилитип, бу йиллиқ нефит ишләпчиқириш миқдариниң 90.5 милйон тонна әтрапида тәхмин қилинғанлини қәйт қилинди.

йанвар ейидин өктәбиргичә қазақистанда 46.3 милйард куб метир тәбиий газ ишләпчиқирилғанлиқи билдүрүлгән байанатта, бу рәқәмниң өткән йилиниң охшаш мәзгилигә селиштурулғанда %1.5 көп икәнлики әскәртилди.

байанатта, 10 айда 402 мегават һәҗимгә игә 14 йеңилинидиған енергийә ишләпчиқириш әслиһәлириниң ишқа кириштүргәнлики билдүрүлди. байанатта йәнә мундақ дейилди:

«йил ахириғичә 104.8 мегават һәҗимгә игә төт йеңи әслиһә ишқа кириштүрүлиду.»

байанатта, қазақистанда җәмий 1042 мегават һәҗимгә игә 77 йеңилинидиған енергийә истансисилириниң хизмәт сунуватқанлиқи билдүрүлди вә йанвардин өктәбиргичә йеңилинидиған енергийә ишләпчиқиришниң өткән йилиниң охшаш мәзгилигә селиштурулғанда %65 ешип, 1.7 милйард киловат саәткә йәткәнлики қәйт қилинди.