qazaqistan pirézidénti yéngi latin élipbesidiki yétersizliklerni tügitish toghrisida yolyoruq chüshürdi
qazaqistan pirézidénti qasim jömert tokayéw, ikki yil ilgiri qobul qilinghan latin élipbesidiki kemchiliklerni toluqlash toghrisida yolyoruq chüshürdi.
türkiye awazi radiyosi xewiri: qazaqistan pirézidénti tokayéw ijtimaiy taratqu tori arqiliq bayanat bérip, kiril élipbesidin latin élipbesige ötüsh qararining ikki yil chiqirilghanliqini xatiriletken halda «biraq, élipbede hazirmu yétersizlikler bar. tilshunaslar élipbeni yaxshilishi kérek. kültür we tenterbiye ishliri ministir aktoti rayimquluwagha munasiwetlik yolyoruqni chüshürdüm. aldimizda jiddiy xizmetler ishlinidu» dédi.
qazaqistanning qurghuchi pirézidénti nursultan nezerbayéw 2017 – yili öktebirde kiril élipbesidin latin élipbesige ötüsh toghrisida qararname chiqirip, kesme ishariti ishlitilgen latin élipbesini maqullighanidi.
kesme ishariti bar élipbe xelq arisida detalash peyda qilghandin kéyin, ötken yili féwralda nursultan nezerbayéw, élipbening kesme isharetler chiqiriwétilgen yéngi nusxisini chiqirishni qarar qilghanidi.
qazaqistan 1929 – yilidin 1940 – yilighiche latin élipbesini ishletken bolup, arqidin silawyan élipbesige ötkenidi.
tatar latin élipbesige ötüshni qarar qilghan qazaqistanda derslik kitablirining yéngi élipbe bilen bésilishi we yéziq özgertish xizmetlirining 2025 – yilighiche tamamlinishi pilanlanmaqta.
