qutadghubilik siyasetnamisi yézilghanliqining 950 –yili qirghizistanda xatirilinidighan boldi

türkiye awazi radiyosi xewiri: qirghizistan medeniyet, uchur - alaqe we sayahet ishliri ministirliqi axbarat merkizi élan qilghan bayanatta, ministir azamat jamanqoluwning xelqara türk akadémiyesi bashliqi piroféssor doktor derxan qidirili bilen bu yil ötküzmekchi bolghan «qutadghubilik siyasetnamisi yézilghanliqining 950 – yili» témliq xelqaraliq konféransni muzakieileshti.

qirghizistan pirézidénliq mehkimisi teripidin bu heqte élan qilinghan bayanatta bolsa, pirézidént soronbay jeénbékowning piroféssor doktor derxan qidirilining ziyaritini qobul qilghanliqi, derxan qidirilining qutadghubilik siyasetnamisi yézilghanliqining 950 – xatire yili munasiwiti bilen orunlashturulidighan paaliyetler we xelqara türk akadémiyesining kelgüsidiki paaliyetliridin bashqa yene, aldinqi qatardiki kelgüsi pilanliri üstidimu melumat bergenliki bildürüldi.

pirézidént soronbay jeénbékowning türk tarixi, kültüri we türk xelqlirining ataqliq zatliri heqqide xelqaraliq konféranslar, munber yighinliri we léksiye yighinliri ötküzüp kéliwatqan xelqara türk akadémiyesining aktip xizmetliri terepke hemmining diqqitini tartip, qutadghubilik siyasetnamisi yézilghanliqining 950 – xatire yiligha atalghan bu qétimqi xelqaraliq konféransning yuqiri sewiyede ötküzülüshige dair kütken ümidlirini bildürdi.

türkistan zéminida ming yillar ilgiri islamni qobul qilip, höküm sürgen tunji türk döliti qaraxaniylar dewride dunyagha kelgen we kashgherde wapat bolghan yüsüp xas hachip, qutadgh bilik namliq siyasetname we nesihetnamisini yézip qaldurghan idi.