ئۇيغۇر ئېلىدە يېڭى تەبىئىي گاز زاپىسى بايقالدى

تۈركىيە ئاۋازى رادىيوسى خەۋىرى: شىنخۇا ئاگېنتلىقىنىڭ خەۋىرىدە بىلدۈرۈلىشىچە، خىتاي نېفىت شىركىتى (PetroChina) تارىم ئويمانلىقىدىكى تەكشۈرۈشلىرىدە 115.3 مىيارد كۇب مېتىر زاپىسىغا ئىگە تەبىئىي گازلىق بايقىغان.

شىركەت مەسئۇللىرى گاز بايقالغان جايلاردا قۇدۇق سىناقلىرىنىڭ مۇۋەپپەقىيەتلىك بولغانلىقىنى، كېلەر ئاي (نويابىر) ئىچىدە رايوندا تەبىئىي گاز ئىشلەپچىقىرىشنى باشلاشنى پىلانلىغانلىقلىرىنى بىلدۈرگەن.

دۇنيادىكى ئەڭ چوڭ ئېنېرگىيە ئىستېمالچىسى بولغان خىتاينىڭ غەربىي شىمالىغا جايلاشقان ئۇيغۇر رايونى، نېفىتتىن باشقا ئالتۇن، پلاتىنا، كۈمۈش، ئۇران ۋە كۆمۈر قاتارلىق نۇرغۇنلىغان يەر ئاستى ۋە يەر ئۈستى بايلىقلارغا ئىگە.