афғанистан түрклириниң лидери абдулкәрим мәхдум вапат болди

афғанистан түрклирини лидери вә сабиқ парламент әзаси абдулкәрим мәхдум 77 йешида аләмдин өтти.

афғанистан түрклириниң лидери абдулкәрим мәхдум вапат болди

түркийә авази радийоси хәвири: абдулкәрим мәхдумниң оғли муһәммәд садиқ мәхдум байанат берип, узундин буйан түркийәдә давалиниватқан атисиниң йеқинда афғанистанниң җүзҗан вилайити қизилайақ йезисиға қайтип кәлгәнликини вә мәзкур җайда бу дунйа билән видалашқанлиқини билдүрди.

билдүрүлишичә, мәхдумниң җәсити йезисидики аилә қәбристанлиқиға дәпнә қилиндикән.

1942 – йили афғанистанниң җүзҗан вилайитигә қарашлиқ қизилайақ йезисида дунйаға кәлгән абдулкәрим мәхдум 26 йешида парламент әзаси болған.

икки басқуч арқа – арқидин парламент әзаси болуп вәзипә өтигән мәхдум, афғанистандики мәктәпләрдә түркчә дәрсләрниң өтүлүшини вә афғанистан миллий радийосида түркмән вә өзбек тиллирида икки саәтлик тарқитиш берилишини капаләткә игә қилған.

афғанистандики һәрхил түрк қәбилилириниң аваз қошуши билән қурулған «әркин түркистан» исимлик түрк партийәсиниң қурулушиға башламчилиқ қилған мәхдум, 1978 – йили түркийәгә келип истиқамәт қилишни башлиған.

у, 1982 – йили 4500 түрк әсиллик афған мусапирниң түркийәгә келишидә алаһидә рол ойниған.



مۇناسىۋەتلىك خەۋەرلەر