әзәрбәйҗан әрменийәни тағлиқ қарабағ сийаситини түзитишкә чақирди

әзәрбәйҗан ташқи ишлар министири әлмар мәмәдйаров, әрменийәни тағлиқ қарабағ мәсилисигә мунасивәтлик сийасәтлирини түзитишкә чақирди.

әзәрбәйҗан әрменийәни тағлиқ қарабағ сийаситини түзитишкә чақирди

түркийә авази радийоси хәвири: америка қошма иштатлириниң нйу йорк шәһиридә чақирилған бирләшкән дөләтләр тәшкилати (б д т) ниң 74 – нөвәтлик омуми кеңиши башлиқлар йиғинида сөз қилған әлмар мәмәдйаров, әрменийә билән әзәрбәйҗан арсидики һазирғичә һәл қилиналмиған тағлиқ қарабағ мәсилисиниң хәлқараниң тинчлиқ вә бихәтәрликигә хәвп йәткүзүшни давамлаштуруватқанлиқини ейтти.

өткән йилқи омумий кеңәш йиғинлиридин буйан тағлиқ қарабағ мәсилисиниң һәл қилиниши йолида һечқандақ илгириләш болмиғанлиқини билдүргән мәмәдйаров, әрменийәниң очуқ – ашкара бипәрвалиқиниң мәсилини һәл қилишқа тосалғу болуватқанлиқини тилға елип өтти.

әриванниң, һәм сөзлири һәм һәрикәтлири арқилиқ сийасий мусапини релисидин чиқиривәткәнликини, бу мәсилигә қисқа вақит ичидә тинч усулда чарә тепиш тиришчанлиқлириға бузғунчилиқ қилғанлиқини әскәрткән мәмәдйаров, «әрменийә, хәлқара җәмийәтни вә өз хәлқини қаймуқтуруш үчүн вақит сәрп қилишниң орниға давамлаштуруш мумкин болмайдиған мәвҗут һаләтни давамлаштурушқа хатимә бериши вә хәлқарадики мәсулийитини ада қилиши керәк. әриван, зийан салғучи сийасий пиланиға қанчилик бурун хатимә бәрсә, хәлқлиримизму тинчлиқ, муқимлиқ вә һәмкарлиқтин шунчилик бурун пайдилиниду» деди.

у, әрменийә райондики «дүшмәнләрчә» сийаситигә хатимә бәргән тәқдирдә, бу сийасәт түпәйли дуч кәлгән еғир сийасий, иқтисадий вә иҗтимаий йүктинму тезла қутулуп кетидиғанлиқини ейтти.

әрменийә баш министири нкол пашинйан болса, омумий кеңәштики сөзидә, әзәрбәйҗанниң йаришишни халимайдиғанлиқини илгири сүргәниди.

 



مۇناسىۋەتلىك خەۋەرلەر