қирғизистан пирезиденти түркийә сода-санаәтчилирини мәбләғ селишқа чақирди

қирғизистан пирезиденти соронбай җәенбеков түркийәниң қирғизистанға мустәқил болған күндә 600 милйон доллар қиммитидә мәбләғ салғанлиқини билдүрди.

қирғизистан пирезиденти түркийә сода-санаәтчилирини мәбләғ селишқа чақирди

түркийә авази радийоси хәвири: бир түркийәлик карханичиниң бишкәктә ачқан меһмансарийида өткүзүлгән қирғизистан-түркийә сода-санаәт мунбири йиғини ечилди. йиғинға, қирғизистанниң һәр қайси министирлири вә парламент әзалири, түркийәниң мәдәнийәт вә сайаһәт ишлириға мәсул муавин министири сәрдар чам, дунйа етноспор конфедератсийәсиниң башлиқи билал әрдоған һәмдә икки дөләтниң нурғун сода-санаәтчилири қатнашти.

қирғизистдн пирезиденти җәенбеков: «түркийә җумһур рәиси рәҗәп таййип әрдоған билән көрүшкәндә, икки дөләт сода омумий соммисини һазирқи 400 милйон доллардин 1 милйард долларға чиқириш имканийәтлирини музакирә қилдуқ. буниң үчүн, бу нишанимизға қарап қәдәм ташлишимиз керәк. түркийә сода-санаәтчилирини қирғизистанда қатнаш, енергийә, хәвәрлишиш технологийәлири вә сайаһәт саһәлиригә мәбләғ селишқа тәклип қилимиз. түркийәлик сода-санаәтчиләрни мәбләғ селишқа чақиримән. түрк достлиримизға ишикимиз һәр қачан очуқ. түрк шериклиримиз билән һәмкарлиқлиримизни көп тәрәптин чоңқурлаштурушни халаймиз» деди.

у қирғизистанда ишләпчиқирилған гөш, һәсәл, йаңақ-пурчақларни вә гүлә-қақларни түркийә базарлирида көрүшни халайдиғанлиқиниму әскәртти.

у қирғизистанда сода қилиш шәртлириниң асанлаштурулғанлиқини билдүрүп мундақ деди:

«қирғизистанда йеңи ширкәт қуруш ишини үч күндә қилғили болиду. йеңи ширкәтләрдин үч йилғичә баҗ елинмайду. қошумчә қиммәт беҗи %12 болса, кирим беҗи билән сап пайда беҗи %15. қирғизистанда чоң шәһәрләрдин башқа җайларда ширкәт қурғанлардин кирим, сетиш вә мүлүк беҗи бәш йилдин 10 йилғичә елинмайду. технологийә импорт қилған ширкәтләрдин таможна беҗи елинмайду.»

у җумһур рәис рәҗәп таййип әрдоған билән келәрки айда әзәрбәйҗанда көрүшидиғанлиқини вә бу көрүшүшни күтүватқанлиқини ейтти.  



مۇناسىۋەتلىك خەۋەرلەر