венгирийәдә түрк кеңишиниң тәшвиқат ишханиси хизмәткә кириштүрүлиду

венгирийәниң пайтәхти будапиштта түрк тилида сөзлишидиған дөләтләр һәмкарлиқ кеңишиниң (түрк кеңиши) ниң тәшвиқат ишханиси бүгүн хизмәткә кириштүрүлиду.

венгирийәдә түрк кеңишиниң тәшвиқат ишханиси хизмәткә кириштүрүлиду

түркийә авази радийоси хәвири: пайтәхт бодапиштта өткүзүлидиған ечилиш мурасимиға түркийә җумһурийити ташқи ишлар министири мәвлүт чавушоғлу, венгирийә ташқи ишлар министири, қошумчә сода ишлири министир петер сиҗҗарто, қирғизистан ташқи ишлар министири чингиз айдарбеков, әзәрбәйҗан ташқи ишлар министири әлмар мәмәдйаров, қазақистан ташқи ишлар министири мухтар тләубәрди вә түрк кеңиши баш катипи бағдад амрейев иштирак қилиду.

буниңдин сирт ечилиш мурасимиға қатнишидиған чавушоғлу қатарлиқ министирлар венгирийә пирезиденти виктор орбан тәрипидин қобул қилиниду.

түркийә җумһурийити ташқи ишлар министирлиқиниң бу һәқтики байанатида, «2014 – йили түрк тилида сөзлишидиған дөләтләр парламент әзалири ансамбилиға, 2018 – йили түрк кеңиши вә түрк академийәсигә көзәткүчи әза болған венгирийә билән түрк кеңиши арисидики һәмкарлиқ мәзкур ишханиниң ечилиши билән муәссәсәви сәвийәдә гүллинишни давамлаштуриду» дегән ибариләргә орун берилди.



مۇناسىۋەتلىك خەۋەرلەر