өзбекстан билән таҗикстан һәрбий маневир башлиди

өзбекстанниң нәмәнган районида өзбекстан вә таҗикстан армийәлири «2019-мәркәз» намлиқ һәрбий маневирни башлиди.

өзбекстан билән таҗикстан һәрбий маневир башлиди

түркийә авази радийоси хәвири: өзбекстан дөләт мудапиә министирлиқи нәмәнган районида башланған «2019-мәркәз» намлиқ һәрбий маневир тоғрисида байанат елан қилди.

өзбекстан дөләт мудапиә министирлиқиниң байанатиға асасланғанда, таҗикстан чеграсидики нәмәнган вилайитигә җайлашқан гурумсарайда башланған ортақ һәрбий маневирда, қанунсиз йоллар билән чеградин мәхпий киргән қораллиқ гуруһларға қарши турушта һәмкарлиқ орнитиш мәқсәт қилинидикән.

бу йил иккинчи қетимлиқи өткүзүлгән вә 100 дин артуқ өзбекстан, таҗикстан әскәрлири қатнашқан маневирда, өзбекстан армийәсиниң һәрбий аптомобиллири вә әслиһәлири ишлитилиду.

террорлуқ гуруппилирини байқаш вә бир тәрәп қилиш үчүн ортақ һәрикәт қилиш қабилийити ашурулидиған бу маневир, бу һәптә ахири ахирлишиду.

2017-йили икки дөләт дөләт мудапиә министирлиқлири оттурисида һәрбий вә һәрбий техника мунасивәтлирини тәрәққий қилдуруш, бирликтә һәрбий маневирларни өткүзүш мәқсәт қилинған һәмкарлиқ келишими имзаланған иди.



مۇناسىۋەتلىك خەۋەرلەر