өзбекистанда әркин иқтисадий райони қурулиду

өзбекистанда һәр түрлүк баҗ вә таможна беҗи елинмайдиған әркин иқтисадий райони қурулиду.

өзбекистанда әркин иқтисадий райони қурулиду

түркийә авази радийоси хәвири: өзбекистан әдлийә министирлиқи ахбарат васитилири ишханиси тәрипидин бу һәқтә елан қилинған байанатта әскәртилишичә, өзбекистан пирезиденти шәвкәт мирзийойев қәшқәдәрйа шәһиридә әркин иқтисадий райониниң қурулушиға алақидар қарарнамини имзалиған.

қарарнамә арқилиқ әркин иқтисадий районда қошулма қиммәт йәниму йүксәк сәвийәгә йүткүзүлидикән, заманиви технологийәләрдин пайдилинип, екиспортни нишан қилған һалда йәрлик вә чәт сәрмайиигә асаслинидиған ширкәтләрниң қурулуши тәшвиқ қилинидикән.

әркин иқтисадий районида қурулидиған ширкәтләрдин, 10 йилғичә һәр түрлүк баҗ вә таможна беҗи елинмайдикән. әркин иқтисадий райониниң паалийитиниң муддити дәсләпки қәдәмдә 30 йил болуп, кейинчә бу муддәт пәйдәрпәй узартилидикән.

3 милйон долларғичә мәбләғ салидиған ширкәтләрдин 3 йил, 5 милйон долларғичә мәбләғ салидиған шәркәтләрдин 5 йил, 10 милйон долларғичә мәбләғ салидиған ширкәтләрдин болса 10 йил  һәр түрлүк баҗ вә таможна беҗи елинмайдикән.

әркин иқтисадий районида қурулидиған ширкәтләр импорт қилидиған хам мадда, материйал вә запас запчас қатарлиқлардинму таможна беҗи елинмайдикән.



مۇناسىۋەتلىك خەۋەرلەر