özbékstan türk kéngishige eza bolidu
qazaqistan, özbékstanning türk tillirida sözlishidighan döletler hemkarliq kéngishi (türk kéngishi) ge eza bolushini memnunluq bilen qarshi alidighanliqini élan qildi.
türkiye awazi radiyosi xewiri: qazaqistan tashqi ishlar ministirliqi özbékstanning türk kéngishige eza bolushi toghrisida bayanat élan qildi.
bayanatta, özbékstanning türk kéngishige eza bolushining memnunluq bilen qarshi élinghanliqi eskertildi we türk dunyasi üchün muhim bolghan bu qararning, nehchiwan kélishimi tüzülgenlikige 10 yil toshqan künge toghra kelgenliki xatirilitildi.
bayanatta, özbékstanning türk kéngishige eza bolushining, hem türk dunyasining bir-biri bilen bir gewdilishishini hemde kéngeshtiki iqtisadiy hemkarliqlarni kücheytidighanliqi qeyt qilindi.
özbékstan pirézidénti shewket mirzayéw ötken hepte buninggha munasiwetlik qararnameni imzalighan idi.
türk kéngishige eza döletler pirézidéntlirining 2019-yili 15öktebirde özbékstanning türk kéngishige ezaliqini testiqlishi kütülmekte.
türk kéngishi 2009-yili 3-öktebirde qazaqistan pirézidénti nursultan nezerbayéw teshebbusi bilen qurulghan idi.
