өзбекстан түрк кеңишигә әза болиду

қазақистан, өзбекстанниң түрк тиллирида сөзлишидиған дөләтләр һәмкарлиқ кеңиши (түрк кеңиши) гә әза болушини мәмнунлуқ билән қарши алидиғанлиқини елан қилди.

өзбекстан түрк кеңишигә әза болиду

түркийә авази радийоси хәвири: қазақистан ташқи ишлар министирлиқи өзбекстанниң түрк кеңишигә әза болуши тоғрисида байанат елан қилди.

байанатта, өзбекстанниң түрк кеңишигә әза болушиниң мәмнунлуқ билән қарши елинғанлиқи әскәртилди вә түрк дунйаси үчүн муһим болған бу қарарниң, нәһчиван келишими түзүлгәнликигә 10 йил тошқан күнгә тоғра кәлгәнлики хатирилитилди.

байанатта, өзбекстанниң түрк кеңишигә әза болушиниң, һәм түрк дунйасиниң бир-бири билән бир гәвдилишишини һәмдә кеңәштики иқтисадий һәмкарлиқларни күчәйтидиғанлиқи қәйт қилинди.

өзбекстан пирезиденти шәвкәт мирзайев өткән һәптә буниңға мунасивәтлик қарарнамәни имзалиған иди.

түрк кеңишигә әза дөләтләр пирезидентлириниң 2019-йили 15өктәбирдә өзбекстанниң түрк кеңишигә әзалиқини тәстиқлиши күтүлмәктә.

түрк кеңиши 2009-йили 3-өктәбирдә қазақистан пирезиденти нурсултан нәзәрбайев тәшәббуси билән қурулған иди.



مۇناسىۋەتلىك خەۋەرلەر