һазар деңизиға чүшүп кәткән әзәрбәйҗан учқучисиниң җәсити тепилди
әзәрбәйҗанда мәшиқ учуши җәрйанида һазар деңизиға чүшүп кәткән уруш айропиланиниң учқучисиниң җәсити тепилди.
түркийә авази радийоси хәвири: әзәрбәйҗан дөләт мудапиә министирлиқи һазар деңизиға чүшүп кәткән уруш айропиланиниң учқучисиниң җәсити тепилғанлиқи тоғрисида байанат елан қилди.
байанатта, издәш-қутқузуш иизмәтлири нәтиҗисидә, учқучи рәшат атакишийевниң җәситиниң тепилғанлиқи вә әтә (21-авғуст) мурасим билән йәрликкә қойулидиғанлиқини билдүрүлди.
айропилан қалдуқини вә учқучисини тепиш хизмәтлиригә, түркийә деңиз армийә қоманданлиқиниң 10 кишилик деңиз асти издәш-қутқузуш әтрити қатнашқан иди.
әзәрбәйҗан дөләт мудапиә министирлиқи қилған йардими сәвәбидин түркийәгә тәшәккүрини билдүрди.
әзәрбәйҗан һава армийәсиниң «MiG-29» типлиқ айропилани, 2019-йили 24-ийул кәчтә мәшиқ җәрйанида һазар деңизиға чүшүп кәткән иди.
مۇناسىۋەتلىك خەۋەرلەر
әрменийә төт йезисини әзәрбәйҗанға қайтуруп беришни қобул қилди
әрменийә 1-қарабағ урушида ишғал қиливалған 4 йезини әзәрбәйҗанға қайтуруп беришни қобул қилди.