қирғизистан-таҗикстан рәһбәрлири чеграда көрүшти

қирғизистан пирезиденти соронбай җәенбеков билән таҗкстан пирезиденти имамәли рахман чегра районида көрүшти.

қирғизистан-таҗикстан рәһбәрлири чеграда көрүшти

түркийә авази радийоси хәвири: қирғизистан пирезидентлиқ сарийи елан қилған бу һәқтики байанатқа асасланғанда, пирезидент җәенбеков билән таҗикстан пирезиденти имамәли рахман икки дөләт оттурисидики чегра мәсилисини һәл қилиш йоллири үстидә издиниш үчүн таҗикстанниң исфара шәһиридә көрүшкән.

қирғизистан пирезиденти җәенбеков күтүвелиш мурасимида: «чегра мәсилилирини һәл қилиш үчүн музакирә мусаписини тезлитишни тәклип қилимиз. ортақ тиришиш арқилиқ чегралиримизни тинчлиқ вә параванлиқ дәрвазисиға айландуридиғанлиқимизға ишинимән» деди.

у орунлаштурулған сөһбәт үчүн имамәли рахманға тәшәккүр ейтип, чегра мәсилисигә чарә тепиш үстидә издинишни башлиған сийасий дийалогдин мәмнун икәнликлирини қәйт қилди.

у үч күн бурун ортақ чегра линйәсидә йүз бәргән вә икки дөләт пуқралири оттурисида көрүлгән йирикчиликкә охшайдиған вәқәләрниң иккинчи қетим йүз бәрмәслики үчүн, ортақлашқан һалда конкрет тәдбирләрни йолға қойуш керәкликини билдүрди.

икки рәһбәрниң чегра темилиқ йиғининиң 27-ийул қирғизистанниң шималиға җайлашқан сайаһәт мәркизи чолпан ата шәһиридә давамлишидиғанлиқи қәйт қилинди.

пайтәхт бишкәккә 750 километир келидиған районда, икки дөләт оттурисида пат-пат деһқанчилиқ йәрлирини суғириш, йәр талишиш, чарва малларни отлитиш, ортақ йолдин пайдилиниш вә чеградин рухсәтсиз өтүш қатарлиқ сәвәбләр түпәйлидин йирикчиликләр йүз берип туриду. қирғизистан билән таҗикстан оттурисидики 970 километирлиқ чеграниң 503 километирлиқ қисминиң тәвәлики ениқ болуп, 2012-йилидин тартип давамлишиватқан чегра бәлгиләш хизмәтлиридә 47 километирлиқ қисимниңла тәвәлики үстидә келишим һасил қилинди.



مۇناسىۋەتلىك خەۋەرلەر