һәрбий қозғилаңчилар түркмән теғида әсәд қисимлириға еғир зәрбә бәрди

истратегийәлик әһмийити йуқири бурҗ әлзаһийә чоқуси билән қошулуп 15 кичик егизлик вә әсәдниң һәрбий истиһкамлири тартип елинди. әсәд қисимлириға тәвә икки танка пачақлап ташланди.

һәрбий қозғилаңчилар түркмән теғида әсәд қисимлириға еғир зәрбә бәрди

 

 

түркийә авази радийоси хәвири: сүрийәдики һәрбий қозғилаңчилар идлибтики йирикчиликни төвәнлитиш райони даирисигә җайлашқан түркмән теғи (байир буҗақ) районида әсәд қисимлири алқиниға киргүзүвалған истиртегийәлик җайларни қайтуруп елиш үчүн һәрбий һәрикәт башлиди.

туйухсиз қилинған һуҗумда нурғунлиған әсәд әскәрлири өлтүрүлди.

истратегийәлик әһмийити йуқири бурҗ әлзаһийә чоқуси билән қошулуп 15 кичик егизлик вә әсәдниң һәрбий истиһкамлири тартип елинди. әсәд қисимлириға тәвә икки танка пачақлап ташланди.

һәрбий һәрикәттин кейин әсәд қисимлири түркмән теғини топқа тутушқа башлиди.

әсәд қисимлири 2015йилиниң ахирида русийәниң һавадин йардәм қилиши астида лазиқийә вилайитигә қарашлиқ түркмән теғиниң %85 ни алқиниға киргүзүвалған иди.

районда йашайдиған 20 миң әтрапида түркмән вә әрәб хәлқи түркийәгә көчүшкә мәҗбур болған иди.

түркмән теғида җумәрән, кәләз, исапинари, саллурн йамади, қараманли йезилири шундақла зәйтинчик, чиптороз вә калаба етизлиқлирила қозғилаңларниң контироллуқида қалған иди.  

 

 

 

 

  



مۇناسىۋەتلىك خەۋەرلەر