«түркийәдин бир һәйәт уйғур елида зийарәттә болиду»

җумһур рәислик сарийи учур - алақә ишлири башқармисиниң башлиқи фаһрәттин алтун уйғур аптоном районида йашаватқан уйғурларниң әһвалини көзитиш үчүн түркийәдин бир һәйәтниң уйғур елида зийарәттә болидиғанлиқини билдүрди.

«түркийәдин бир һәйәт уйғур елида зийарәттә болиду»

түркийә авази радийоси хәвири: алтун аммиви ортақлишиш тор бетидики сәһиписидә, бу һәқтә елан қилған байанатида, җумһур рәис рәҗәп таййип әрдоғанниң хитай зийарити һәққидә мәлумат бәрди, һәмдә әрдоғанниң учришишлири җәрйанида, хитай даирилири билән уйғурларниму өз ичигә алған түркийә – хитай мунасивәтлириниң барлиқ тәрәплири һәққидә тәпсилий музакириләрни елип барлиқини тәкитләп мундақ деди: «җумһур рәисимиз рәҗәп таййип әрдоған хитай даирилири билән елип барған музакирилиридә, уйғурларниң һузур – һалавәт вә параванлиқ ичидә, тинч – аман йашишишини арзу қилидиғанлиқини билдүрди, бу һәқтики көз - қараш вә пикир – тәләплирини хитай даирилириға йәткүзди. хитай тәрәп уйғур аптоном районида йашаватқан уйғурларниң әһвалини нәқ мәйданда көзитиши үчүн түркийәдин бир һәйәтниң уйғур елида зийарәттә болуш тәклипини сунди, җумһур рәисимизму бу тәклипни хушаллиқ билән қобул қилди.»

җумһур рәис рәҗәп таййип әрдоған билән хитай дөләт рәиси ши җинпиңниң, икки дөләт мунасивәтлириниң даирисини  сода, селинма, тәтқиқ қилиш – тәрәққий қилдуруш, илим – пән, технологийә, пуқрави авийатсийә, сайаһәт вә мәдәнийәт саһәлиригичә кеңәйтиш мәсилисидә ортақ тонуш һасил қилғанлиқини әскәрткән алтун, икки рәһбәрниң тарихий йепәк йолиниң ғәрбий вә шәрқий еғизлири оттурисидики мунасивәтни күчәйтишни қарарлаштурғанлиқини тәкитлиди.



مۇناسىۋەتلىك خەۋەرلەر