даешқа әза 14 террорчи уҗуқтурулди вә бир каттибеши назарәткә елинди

ирақниң кәркүк вилайитидә даешқа әза 14 террорчи уҗуқтурулди.

даешқа әза 14 террорчи уҗуқтурулди вә бир каттибеши назарәткә елинди

түркийә авази радийоси хәвири: ирақ дөләт мудапиә министирлиқи террорлуққа қарши күрәш қисимлири тәрипидин елан қилинған йазма байанатта, кәркүктә иттипақдаш қисимларға тәвә уруш айропиланлириниң йардими билән елип берилған һәрбий һәрикәттә, даешқа әза 14 террорчиниң уҗуқтурулғанлиқи вә даешниң рәһбирий қатлимида орун алған бир каттибешиниң  назарәткә елинғанлиқи билдүрүлди.

байанатта йәнә, кәркүк вилайити мәркизидики вәһдә районида елип берилған һәрикәтниң 2 күн давамлашқанлиқи, нурғун санда қорал - йарақ вә тәшкилат материйаллириниң қолға чүшүрүлгәнлики уқтурулди. 

даеш йеқинқи мәзгилдин буйан ирақниң шәрқидики дийала, шималидики кәркүк вә салаһиддин шәһәрлиридә пат пат террорлуқ һуҗумлири билән шуғуллинип кәлмәктә.

ирақ һөкүмити 2017йили декабирда даешниң қолидики ираққа тәвә барлиқ җайларниң қутқузулғанлиқини елан қилған иди.



مۇناسىۋەتلىك خەۋەرلەر