erdoghan tajikistangha yétip bardi

jumhur reis rejep tayyip erdoghan 5 – nöwetlik asiya hemkarliqi we bixeterlikini ashurush kéngishi döletler we hökümetler reisliri yighinigha qatnishish üchün tajikistanning paytexti düshenbege yétip bardi.

erdoghan tajikistangha yétip bardi

 

 

türkiye awazi radiyosi xewiri: jumhur reis rejep tayyip erdoghanni düshenbe xelqara aydorumida tajikistan parlamént reisi mehmet seid abdullayéw, tajikistan muawin tashqi ishlar ministiri xusraw naziri, düshenbe birinchi muawin sheher bashliqi muhemmed zaik zuwaydizoda we türkiyening düshenbede turushluq bash elchisi eli rifat köksal shundaqla bashqa alaqidar mesullar qarshi aldi.

erdoghanning tajikistan ziyaritige ayali emine erdoghan, tashqi ishlar ministiri mewlüt chawushoghlu, xezine we maliye ministiri berat albayraq, dölet mudapie ministiri xulusi aqar, jumhur reislik uchur - alaqe ishliri bashliqi piroféssor doktor fehrittin altun we jumhur reislik bayanatchisi ibrahim kalin hemrah boldi.

erdoghan tajikistan pirézidénti imameli rehman bilen pirézédéntliq sariyida uchrishish élip baridu.

erdoghan andin 5nöwetlik asiya hemkarliqi we bixeterlikini ashurush kéngishi döletler we hökümetler reisliri yighinigha qatnishidu hemde qatnashquchi rehberler bilen xatire resimge chüshidu.

axirida tajikistan pirézidénti imameli rehmanning yighin qatnashquchilirining sheripige béridighan ziyapitige ishtirak qilidu.

jumhur reis rejep tayyip erdoghanning tajikistandiki yighingha qatnashqan her qaysi dölet rehberliri bilenmu özara uchrishish élip bérishi mölcherlenmekte.

 

 


خەتكۈچ: erdoghan , tajikistan , ziyaret

مۇناسىۋەتلىك خەۋەرلەر