ezerbeyjan - erméniye aldinqi sépide bir ezerbeyjan eskiri shéhit boldi

erméniye – ezerbeyjan firontida toqunush yüz bérip, ezerbeyjan armiyesining bir eskiri shéhit boldi.

ezerbeyjan - erméniye aldinqi sépide bir ezerbeyjan eskiri shéhit boldi

türkiye awazi radiyosi xewiri: ezerbeyjan mudapie ministirliqi bayanat élan qilip, erméniye armiyesining urush toxtitish kélishimige xilapliq qilip oq chiqirishi netijiside elshen xalilow isimlik bir eskerning shéhit bolghanliqini uqturdi.

bayanatta, ministirliq emeldarlirining shéhit eskerning aile – tawabiatlirigha teziye bildürgenliki qeyt qilindi.

ezerbeyjan tashqi ishlar ministirliqi bu heqtiki bayanatida bolsa, urush toxtitish kélishimige xilapliq qilish qilmishining ezerbeyjan – erméniye tashqi ishlar ministirlirining uchrishishidin ilgiri yüz bergenliki, hujumning erméniyediki urush terepdarliri teripidin gherezlik halda sadir qilinghanliqi eskertildi.

hujum arqiliq söhbet musapisige ziyan yetküzüp, rayondiki sürkilishni téximu ulghaytishning nishan qilinghanliqini bildürülgen bayanatta, barliq jawabkarliqning erméniye dairiliride ikenliki tekitlendi.


خەتكۈچ: shéhit , erméniye , ezerbeyjan

مۇناسىۋەتلىك خەۋەرلەر