qazaqistanda ötküzülgen pirézidéntliq saylimining netijisi élan qilindi

qazaqistanda muddettin burun ötküzülgen pirézidéntliq saylimida nöwettiki pirézidént qasim jömert tokayéw ghelibe qildi.

qazaqistanda ötküzülgen pirézidéntliq saylimining netijisi élan qilindi

türkiye awazi radiyosi xewiri: qazaqistan merkiziy saylam komitéti, tokayéwning omumiy awazning %70.76 sige ériship, pirézidéntliq saylimida ghelibe qilghanliqini uqturdi.

«ijtimaiy pikir» instituti bashliqi aynur mazhétowa muxbirlarni kütüwélish yighini ötküzüp, dölet miqyasidiki 325 saylam merkizide 13 ming 200 bélet tashlighuchi arisida elrayini sinash tekshürüshi élip barghanliqlirini, tekshürüshke qarighanda, kommunistlar xelq partiyesi namzati zhambél ahmetbékowning %3.86؛ qazaqistan démokratiye partiyesi «aq yol» namzati daniya yéspayéwaning %5.82؛ «xelqning teqdiri» namzati amirjan kosanowning %15.39؛ xelq démokratik wetenperwerler partiyesi namzati toléutay rahimbékowning bolsa, %3.3 awazgha érishkenlikini qeyt qildi.

mazhétowa yene, qazaqistan uyushmilar jemiyitining namzati amangeldi taspixowning %1.41؛ «büyük bozqir bürkütliri» ijtimaiy birliki namzati sadibék tugelning bolsa, %0.86 awazgha érishkenlikini sözlirige ilawe qildi.


خەتكۈچ: qazaqistan , saylam

مۇناسىۋەتلىك خەۋەرلەر