qazaqistan xelqi ete yéngi pirézidéntini saylaydu

türkiye awazi radiyosi xewiri: qazaqistanda tizimgha élinghan saylghuchilarning omumiy sani 11 milyon 947 ming bolup, xelq ete etigen 07:00 din 21:00 bolghan ariliqta 9970 saylam merkizide béletlirini tashlaydu. 

chet ellerde turushluq qazaqistanliqlar bolsa, 51 dölette qurulghan 64 saylam sanduqigha bélet tashlisa bolidu.

saylam netijiliri bélet tashlash axirliship, eng kéchikkendimu 12 saet ichide élan qilinidu.

bir hepte ichide saylam netijilirining mueyyenlishishi, élan qilinishi we saylanghan pirézidéntning merkiziy saylam komitéti teripidin ruyxetke élinishi tamamlinidu.

bu qétimqi saylamda qazaqstanning qurghuchi pirézidénti nursultan nezerbayéw mart éyida istépa bergendin kéyin waqitliq pirézidént bolup wezipe ötewatqan qasim jömert qatarliq 7 namzat riqabetlishidu. 

qazaqistan qanunlirigha köre, pirézidént namzatlirining qazaqche bilishi, 40 yashqa kirgen bolushi, qaziqstanda 15 yil turghan bolushi we dölet organlirida eng az 5 yil wezipe ötigen bolushi shert qilinidu.