xitayning uyghur rayonidiki bir türküm jamelerni yiqip tashlighanliqi bildürüldi

xitay dairilirining uyghur aptonom rayonidiki yüzlerche yilliq jame we qebrini öz ichige alghan 33 diniy orunni pütünley yaki qismen yiqip tashlighanliqi ilgiri sürüldi.

xitayning uyghur rayonidiki bir türküm jamelerni yiqip tashlighanliqi bildürüldi

türkiye awazi radiyosi xewiri: engliyening «guardian» we ochuq menbe tetqiqat tori «béllingkat»ning xewirige qarighanda, xitayda uyghur türklirining jamelirining yiqiwétilgenlikige munasiwetlik yéngi uchurlar qolgha chüshürülgen.

süniy hemrah körünüshliri, rayon ahaliliri we xeritilendürüsh wasitilirige tayinip, nuqta qilip békitilgen 100 jame we qebrining eng yéngi ehwali tekshürülgen.

tekshürüsh netijiside, gümbez we munargha oxshash gewdilik alahidilikke ige 91 qurulushtin 31 jame bilen ikki chong qebrining 2016 – 2018 – yillirida éghir shekilde buzghunchiliqqa uchrighanliqi éniqlanghan.

buningdin sirt, gümbez yaki munar dégendek gewdilik alahidiliki bolmighan, biraq uyghur aptonom rayoni ahaliliri jame ikenlikini bildürgen 9 qurulushningmu yoqitip tashlanghanliqi bayqalghan.

türkiye jumhuriyiti tashqi ishlar ministirliqi, xitay dairilirining uyghur türklirige yürgüzüwatqan sistémiliq assimilyatsiye siyasitining insaniyet üchün éghir nomusluq ish ikenlikini bildürgenidi.


خەتكۈچ: xitay , qebre , jame , uyghur

مۇناسىۋەتلىك خەۋەرلەر