хитайниң уйғур районидики бир түркүм җамәләрни йиқип ташлиғанлиқи билдүрүлди

хитай даирилириниң уйғур аптоном районидики йүзләрчә йиллиқ җамә вә қәбрини өз ичигә алған 33 диний орунни пүтүнләй йаки қисмән йиқип ташлиғанлиқи илгири сүрүлди.

хитайниң уйғур районидики бир түркүм җамәләрни йиқип ташлиғанлиқи билдүрүлди

түркийә авази радийоси хәвири: әнглийәниң «гуардиан» вә очуқ мәнбә тәтқиқат тори «беллиңкат»ниң хәвиригә қариғанда, хитайда уйғур түрклириниң җамәлириниң йиқиветилгәнликигә мунасивәтлик йеңи учурлар қолға чүшүрүлгән.

сүний һәмраһ көрүнүшлири, район аһалилири вә хәритиләндүрүш васитилиригә тайинип, нуқта қилип бекитилгән 100 җамә вә қәбриниң әң йеңи әһвали тәкшүрүлгән.

тәкшүрүш нәтиҗисидә, гүмбәз вә мунарға охшаш гәвдилик алаһидиликкә игә 91 қурулуштин 31 җамә билән икки чоң қәбриниң 2016 – 2018 – йиллирида еғир шәкилдә бузғунчилиққа учриғанлиқи ениқланған.

буниңдин сирт, гүмбәз йаки мунар дегәндәк гәвдилик алаһидилики болмиған, бирақ уйғур аптоном райони аһалилири җамә икәнликини билдүргән 9 қурулушниңму йоқитип ташланғанлиқи байқалған.

түркийә җумһурийити ташқи ишлар министирлиқи, хитай даирилириниң уйғур түрклиригә йүргүзүватқан системилиқ ассимилйатсийә сийаситиниң инсанийәт үчүн еғир номуслуқ иш икәнликини билдүргәниди.



مۇناسىۋەتلىك خەۋەرلەر