iraq türkmenliri aldinqi sépining qurulghanliqi tebriklendi

iraq  türkmenliri aldinqi sépi qurulghanliqining 24 – yilliqi kerkükte ötküzülgen murasim arqiliq tebriklendi.

1190355
iraq türkmenliri aldinqi sépining qurulghanliqi tebriklendi

türkiye awazi radiyosi xewiri: murasimgha kerkük waliysi raqan seid, iraq türkmenliri aldinqi sépining bashliqi irshad salihi, iraq türkmenliri aldinqi sépi kerkük parlamént ezaliri we köp sanda yerlik mesullar qatnashti.

iraq türkmenliri aldinqi sépining bashliqi salihi murasimda qilghan sözide mundaq dédi: «iraq türkmenliri aldinqi sépi qurulghandin buyan türkmen xelqlerning eng chong qoghdighuchisi bolup keldi. iraqni birlik we barawerlik asasida qudretlik bir döletke aylanduralaydighanliqimizgha ishinimiz, iraqta mezhep xaraktérlik we étnik ayrimchiliqni nishan qilidighan suyiqestlik pilanlargha qarshi turup kéliwatimiz, buningdin kéyinmu shundaq  qilimiz. iraqni öz ichige alghan barliq rayon döletlirining birlik we barawerliki tehditke duch kelmekte, rayon duch kéliwatqan suyiqestlik pilanlarni iran, türkiye, iraq, süriye we paris qoltuqi elliri birlik we barawerlik asasida heriket qilghandila andin bitchit qilalaydu. iraq türkmenliri aldinqi sépi kerkükte barliq tereplerni baghrigha basidighan bir hakimiyetning bolushining zörürlükge ishinidu, buning üchün türkmen, kord, ereb parlamént ezaliri we wekilliri birlikte türlük qedemlerni tashlimaqta.»



مۇناسىۋەتلىك خەۋەرلەر