вашингтондики түркләр әрмән дәвалириға қарши намайиш қилди

америка пайтәхти вашингтонда йүзләрчә түрк аталмиш 1915-йил вәқәлирини сәвәб қилип түркийәниң вашингтондики әлчиханиси алдида намайиш қилған әрмәнләргә қарши наразилиқ билдүрүп намайиш қилди.

washington.jpg
washington.jpg

түркийә авази радийоси хәвири: түркийәниң вашингтондики әлчиханиси җайлашқан мәйдан, аталмиш 1915-йил вәқәлирини сәвәб қилип намайиш қилған әрмәнләр билән уларға наразилиқ билдүргән нурғун түрк аммисиниң намайишиға сәһнә болди.

қоллирида түркийә байрақлирини көтүрүп, әрмән давалириниң һәқиқәткә уйғун әмәсликини билдүргән түркләр вә уларни қоллап кәлгән әзәрбәйҗан вә аһиска түрклири, түрк-американ миллий йетәкләш комитети тәшкиллигән намайишта бир йәргә җәм болди.

намайиш җәрйанида, истиқлал марши оқулди вә арқидин әрмән террористлири шеһит қилған түркийә дипломатлириниң исимлири оқулди. вашингтон сақчилири қаттиқ бихәтәрлик тәдбирлири алди.

түрк-американ миллий йетәкләш комитетиниң рәиси һалил мутлу вә гүнай әвинч қилған сөзлиридә, әйни вақитта әрмәни қораллиқ күчлири тәрипидин қирғин қилинған анадолу кишилириниң дәртлирини көрмәскә селишниң һәққанийәтсизлик болидиғанлиқини тәкитлиди.

бир-биригә қарши шоарлар товланған вә тәхминән 2 йерим саәт давамлашқан намайишлар, вәқәсиз ахирлашти.



مۇناسىۋەتلىك خەۋەرلەر