özbékistan tashqi ishlar ministiri kabulda ziyarette boldi

türkiye awazi radiyosi xewiri: özbékistan tashqi ishlar ministiri abduleziz kamilow dölet ishliri ziyariti bolush üchün afghanistanning paytexti kabulgha bardi.

afghanistan pirézidénti eshref ghéni, kamilow we hemrahliqidiki heyetni pirézidéntliq mehkimiside qobul qildi.

pirézidént ghéni, rayon döletliri arisida ortaq qedem tashlashning rayonning muqimliqini qoghdash nuqtisidin muhim ikenlikini éytti.

u, özbékistanning afghanistanda tinchliq ornitish yolida körsetken tirishchanliqlirigha rehmet éytti.

özbékistan tashqi ishlar ministiri kamilowmu, «taliban qobul qilsa, afghanistan hökümiti bilen taliban arisidiki biwasite tinchliq söhbetlirige sahibxanliq qilishqa teyyarmiz» dédi.

özbékistanning afghanistandiki tinchliq musapisini qollaydighanliqini bildürgen kamilow, dölitining yene, afghanistan bilen iqtisadiy, soda we qatnash saheliridiki munasiwetlirini ilgiri sürüshni xalaydighanliqini tekitlep ötti.

özbékistan tashqi ishlar ministiri abduleziz kamilowgha özbékistan dölet xewpsizlik orgini meslihetchisi wiktor mahmudow hehrah bolmaqta.