qirghizistan bilen rusiye herbiy téxnika saheside hemkarliqni kücheytish kélishimi tüzdi

türkiye awazi radiyosi xewiri: rusiye pirézidénti wiladimir putin qirghizistandiki resmiy ziyariti jeryanida pirézidént soronbay jénbékow bilen bishkekte ala archa pirézidéntliq dölet méhmansariyida körüshti.

öz ara uchrishishtin kéyinki heyetlerara muzakirilerning axbaratchilargha uchuq qismida, qirghizistan pirézidénti jénbékow rusiyening yéqin, ishenchlik ittipaqdash shundaqla muhim, uzun mezgillik istratégiyelik shérik ikenlikini tekitlidi. 

jénébékow: «rusiye bilen bolghan munasiwetlirimizge we istiratégiyelik hemkarliqimizgha her daim alahiide ehmiyet bérimiz. putinning xususiy yardimi sayisida özara hemkarliqimiz konkért halda intayin yuqiri sewiyelerge yetti» dédi.

rusiyening qirghizistan iqtisadigha yardem bergenlikini eskertken jénbékow «bügün imzalinidighan hemkarliq kélishimining her ikki dölet xelqlirining bayashatliqigha hesse qoshidighanliqigha ishinimen» dédi.

putin uchrishishlarning her ikki döletning terqqiyatigha we hemkarliqigha töhpe qoshidighanliqini bildürüp, ikki döletning iqtisadiy sahediki hemkarliqlirida ijabiy ilgirileshlerning bolghanliqini eskertti.

putin: «qizghizistan yawro asiya iqtisadiy hemkarliq teshkilatigha eza bolghandin kéyin, rusiye bilen qirghizistan otturisdiki soda omumiy sommisi yuqiri örlidi. iqtisadiy hemkarliqlirimizni tereqqiy qildürüshni arzu qilimiz» dédi.

putin ikki dölet otturisidiki herbiy hemkarliq üstidimu toxtilip, «biz ikki dölet armiyesi otturisidiki alaqini kücheyttuq. bu hemkarliqimizning dawamlishidighanliqigha ishinimen. qirghizistan ishenchlik ittipaqdash we istiratégiyelik shérikimizdur. özara shundaqla xelqaraliq munberlerde birlikte xizmet qiliduq hemde birlikte xizmet qilishni dawamlashturimiz» dédi.

putin jénbékow bilen uchrishtin ilgiri élan qilghan bayanatida qirghizistandiki rusiye herbiy bazisi heqqidimu toxtilip, «rusiye bilen qirghizistanning herbiy we herbiy téxnika sahesidiki hemkarliqini kücheytish jehette kélishim hasil qiliduq. qirghizistandiki rusiye herbiy bazisi qirghizisanning mudapie qabiliyitige muhim hessilerni qoshmaqta. bu bazining mewjutluqi ottura asiyaning bixeterliki we muqimliqi üchün muhim bir amildur» dédi.   

putinning ziyaritide qirghizistan bilen rusiye otturisdiki iqtisad asasiy salmaqni igiligen 6 milyard dollarliq 16 oxshash bolmighan hökümetler ara kélishim, sélinma kélishimliri we ehdinamiler imzalandi.