қирғизистан билән русийә һәрбий техника саһәсидә һәмкарлиқни күчәйтиш келишими түзди

русийә пирезиденти виладимир путин қирғизистан билән һәрбий техника саһәсидә һәмкарлиқни күчәйтиш келишими түзди.

қирғизистан билән русийә һәрбий техника саһәсидә һәмкарлиқни күчәйтиш келишими түзди

 

түркийә авази радийоси хәвири: русийә пирезиденти виладимир путин қирғизистандики рәсмий зийарити җәрйанида пирезидент соронбай җенбеков билән бишкәктә ала арча пирезидентлиқ дөләт меһмансарийида көрүшти.

өз ара учришиштин кейинки һәйәтләрара музакириләрниң ахбаратчиларға учуқ қисмида, қирғизистан пирезиденти җенбеков русийәниң йеқин, ишәнчлик иттипақдаш шундақла муһим, узун мәзгиллик истратегийәлик шерик икәнликини тәкитлиди. 

җенебеков: «русийә билән болған мунасивәтлиримизгә вә истиратегийәлик һәмкарлиқимизға һәр даим алаһиидә әһмийәт беримиз. путинниң хусусий йардими сайисида өзара һәмкарлиқимиз конкерт һалда интайин йуқири сәвийәләргә йәтти» деди.

русийәниң қирғизистан иқтисадиға йардәм бәргәнликини әскәрткән җенбеков «бүгүн имзалинидиған һәмкарлиқ келишиминиң һәр икки дөләт хәлқлириниң байашатлиқиға һәссә қошидиғанлиқиға ишинимән» деди.

путин учришишларниң һәр икки дөләтниң тәрққийатиға вә һәмкарлиқиға төһпә қошидиғанлиқини билдүрүп, икки дөләтниң иқтисадий саһәдики һәмкарлиқлирида иҗабий илгириләшләрниң болғанлиқини әскәртти.

путин: «қизғизистан йавро асийа иқтисадий һәмкарлиқ тәшкилатиға әза болғандин кейин, русийә билән қирғизистан оттурисдики сода омумий соммиси йуқири өрлиди. иқтисадий һәмкарлиқлиримизни тәрәққий қилдүрүшни арзу қилимиз» деди.

путин икки дөләт оттурисидики һәрбий һәмкарлиқ үстидиму тохтилип, «биз икки дөләт армийәси оттурисидики алақини күчәйттуқ. бу һәмкарлиқимизниң давамлишидиғанлиқиға ишинимән. қирғизистан ишәнчлик иттипақдаш вә истиратегийәлик шерикимиздур. өзара шундақла хәлқаралиқ мунбәрләрдә бирликтә хизмәт қилидуқ һәмдә бирликтә хизмәт қилишни давамлаштуримиз» деди.

путин җенбеков билән учриштин илгири елан қилған байанатида қирғизистандики русийә һәрбий базиси һәққидиму тохтилип, «русийә билән қирғизистанниң һәрбий вә һәрбий техника саһәсидики һәмкарлиқини күчәйтиш җәһәттә келишим һасил қилидуқ. қирғизистандики русийә һәрбий базиси қирғизисанниң мудапиә қабилийитигә муһим һәссиләрни қошмақта. бу базиниң мәвҗутлуқи оттура асийаниң бихәтәрлики вә муқимлиқи үчүн муһим бир амилдур» деди.   

путинниң зийаритидә қирғизистан билән русийә оттурисдики иқтисад асасий салмақни игилигән 6 милйард долларлиқ 16 охшаш болмиған һөкүмәтләр ара келишим, селинма келишимлири вә әһдинамиләр имзаланди.  

 



مۇناسىۋەتلىك خەۋەرلەر