өзбекистан америка армийә мәркизий иштаб башлиқини күтүвалди

америка армийә мәркизий иштаб башлиқи җосеф вотел өзбекистанда зийарәттә болмақта.

өзбекистан америка армийә мәркизий иштаб башлиқини күтүвалди

 

түркийә авази радийоси хәвири: америка армийә мәркизий иштаб башлиқи җосеф вотел пайтәхт ташкәнттә өзбекистан пирезиденти шәвкәт мирзийойевни зийарәт қилди.

әтә ташкәнттә өткүзүлидиған оттура вә җонубий асийа дөләтлири армийә баш иштаб башлиқлири йиғиниға қатнишиш үчүн өзбекистанға йетип барған җосеф вотел пирезидент мирзийойев тәрипидин қобул қилинди.

учришишта мирзийойев алдинқи йили өткүзүлгән өзбекистан америка йуқири дәриҗилик рәһбәрләр учришишилириниң икки дөләт оттурисидики кәң даирилик истиратегийәлик шерикликиниң йеңи пәллигә қәдәм қойушини башлатқанлиқини вә америка армийә мәркизий иштаби тәрипидин орунлаштурулған оттура вә җонубий асийа дөләтлири армийә баш иштаб башлиқлири йиғининиң һазирқи әң чоң мәсилиләрдин бирси болған афғанистан мәслисигә қарита ортақ һәл қилиш чариси тепиш пурсити йаритип беридиғанлиқини ейтти. 

учришишта өзбекистан билән америка оттуриисидики һәрбий, техника вә бихәтәрлик саһәлири буйичә орнитилған һәмкарлиққа алақидар мәсилиләр музакирә қилинди.

вотел йиғинниң ташкәнттә уткүзүлишигә имкан йаритип бәргәнлики үчүн мирзийойевға алаһидә рәхмәт ейтти.

вәтел йиғинда оттура асийада тинчлиқ вә муһимлиқни бәрпа қилишқа даир иҗабий шерикликниң тәрәққий қилдурулишини мәқсәт қилған истиратегийә тәййарлиғанлиқиға ишинидиғанлиқини тәкитлиди. 

вотел учришишлири даирисидә йәнә, өзбекистан дөләт мудапиә министири баһадир қурбанов биләнму көрүшти. өзбекистан һәрбий академийәсини зийарәт қилип, бир түркүм учришишларда болди.

 



مۇناسىۋەتلىك خەۋەرلەر