ezerbeyjanliq kapitanning jesiti tépildi

samsun déngiz tewelikide chöküp ketken polsha bayraqliq paraxotning yoqulup ketken ezerbeyjanliq kapitanining jesiti rusiyening tuapse portida tépildi.

ezerbeyjanliq kapitanning jesiti tépildi

 

türkiye awazi radiyosi xewiri: samsun waliy mehkimisidin élan qilinghan bayanatta, sheherdin 80 déngiz mili uzaqliqta chöküp ketken «Volga Balt 214» namliq polsha bayraqliq paraxotta yoqulup ketken ezerbeyjanliq kapitan ismailowning jesitining paraxot chöküp ketken jaydin 85 déngiz mili uzaqliqtiki rusiyening tuapse portigha 48 déngiz mili qalghan yerde, «M/V NURS» namliq paraxot teripidin tépilghanliqi bildürüldi.

bayanatta kapitanning jesitining 19yanwarda noworossiysik portida rusiyelik mesullargha tapshurup bérilgenliki, qalghan yuqulup ketken paraxot xadimliri üchün izdep qutquzush xizmetlirining dawamlishiwatqanliqi tekitlendi.

kapitan turbat ismailowning jesitining rusiyede qanun doxturliri teripidin tekshürülgendin kéyin ailisige tapshurulghanliqi qeyt qilindi.

samsundin 80 déngiz mili uzaqliqta 7yanwar küni chöküp ketken «Volga Balt 214» namliq polsha bayraqliq yük paraxoti xeter signali yollighandin kéyin, türkiye sahil bixeterlikini qoghdash qomandanliqi qutquzush paaliyetlirini bashlighan idi.

weqede 13 neper paraxot xadimidin 7 kishi qutquzup qilinghan, qalghanliridin 4 kishining jesiti déngizdin tépilghan we yene 2 kishini izdep tépish xizmetliri dawamlishiwatqan idi. 


خەتكۈچ: ezerbeyjan , kapitan

مۇناسىۋەتلىك خەۋەرلەر