ezerbeyjan we erminye tashqi ishlar ministirliri parizhda körüshti

ezerbeyjan tashqi ishlar ministiri elmar memedyawro bilen erméniye tashqi ishlar ministiri zoxrab mnatsakanyan parizhda körüshti.

1127597
ezerbeyjan we erminye tashqi ishlar ministirliri parizhda körüshti

türkiye awazi radiyosi xewiri: ezerbeyjan tashqi ishlar ministiri elmar memedyawro bilen erméniye tashqi ishlar ministiri zoxrab mnatsakanyan taghliq qarabagh mesilisige chare tépish musapisi dairiside firansiyening paytexti parizhda körüshti.

ezerbeyjan tashqi ishlar ministirliqi yazma bayanat élan qilip, ikki ministirning, asasliqi özara chüshinish hasil qilish we ishench muhiti yaritishning ehmiyiti qatarliq mesililer boyiche paydiliq we ijabiy pikir almashturulghanliqi eskertildi.

bayanatqa qarighanda, terepler téz we ünüm élishni nishan qilghan söhbetlerning aldimizda ayda dawamlashturulushi toghrisida birdeklik hasil qilghan.

uchrishishta yene, terepler her ikki tereptiki kishilerni tinchliq, bixeterlik we sijil tereqqiyatni qolgha keltürüshke teyyar haletke keltürüshni öz ichige alghan bir qatar mesililernimu muzakire qilghan.

uchrishishqa, yawropa xewpsizlik we hemkarliq teshkilati miniski guruppisining teng hoquqluq bashliqliri rusiyelik igor popow, firansiyelik istéfan wiskonti, amérikiliq adnréw skofér we yawropa xewpsizlik we hemkarliq teshkilati alahide wekili andrzéj kasprziykmu ishtirak qildi.


خەتكۈچ: #ezerbeyjan , #erméniye , #qarabagh

مۇناسىۋەتلىك خەۋەرلەر