özbékistan tarixining eng chong herbiy manéwirini ötküzmekte
özbékistan musteqilliqke érishken 1991 – yili 1 – séntebirdin buyan tunji qétim keng kölemlik herbiy manéwir ötküzmekte.
türkiye awazi radiyosi xewiri: özbékistan mudapie ministirliqining bayanatigha qarighanda, dölet tarixidiki eng keng kölemlik herbiy manéwir pirézidént shewket mirziyayéwning yolyoruqigha asasen ötküzülgen bolup, 5 kün dawamlishidighan manéwir 4 basquchtin teshkil tapidiken. herbiy aptomobil we ayropilanlar qatnashturulidighan manéwir arqiliq armiyening taktika we emeliy herbiy teyyarliqining közdin kechürülüshi nishan qilinmaqta iken.
bayanatta körsitilishiche, shewket mirziyayéw bilen mudapie ministiri abdusalam azizow, tashkentke yéqin chérchék herbiy rayonida ötküzülgen manéwirni közetken we herbiyler bilen söhbetleshken mirziyayéw, wezipisini ghelibilik orundilargha hediye tarqitip bergen.
özbékistan tashqi ishlar ministirliqiningmu qoshna döletlerni manéwirdin waqiplandurghanliqi qeyt qilindi.
