özbékistan pirézidénti hindistanda dölet ishliri ziyaritide bolmaqta
özbékistan pirézidénti shewket mirziyoyéw hindistanda dölet ishliri ziyaritide bolmaqta.
türkiye awazi radiyosi xewiri: mirziyoyéwning ziyariti dairiside özbékistan bilen hindistan otturisida oxshimighan sahelerde hemkarliq ornitish nishan qilinghan 20 türlük kélishim imzalandi.
özbékistan pirézidént mehkimisi axbarat wasitiliri ishxanisining bildürüshiche, pirézidént shewket mirziyoyéw hindistandiki uchrishishliri dairiside hindistan bash ministiri naréndra modi bilen körüshken. uchrishishta, ikki dölet munasiwetliri toghruluq özara pikir almashturulghan, hemde kündilik we rayonluq mesililer muzakire qilinghan.
uchrishishlardin kéyin, modi bilen mirziyoyéw ortaq bayannamini imzalighan, jümlidin, terepler ara soda – iqtisad, herbiy telim – terbiye, yéza igilik, sayahet, edliye, sehiye, tinchliq meqsitidiki alem qatnishi tetqiqatliri, pen – téxnika we bashqa sahelerde hemkarliq ornitish nishan qilinghan 20 türlük kélishim imzalanghan.
mirziyoyéw qoshma axbarat élan qilish yighinida, nöwette 300 milyon dollar etrapida bolghan ikki dölet otturisidiki soda omumiy sommisini 2020 – yiligha barghanda 1 milyard dollargha yetküzüshni nishan qiliwatqanliqlirini qeyt qilghan.
hindistan bash ministiri modi, özbékistan bilen hindistan otturisida étibar bérish soda kélishimining imzalinishigha qarita «söhbet basquchi» ni ishqa kirishtürgenliklirini tekitligen.
mirziyoyéw yene, hindistandiki dölet ishliri ziyariti dairiside hindistan pirézidénti ram nas kowindi we hindistanliq soda - sanaetchiler bilenmu bir yerge jem boldi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.