mirziyayéw yildirimni qobul qildi
türkiye büyük millet mejlisi bashliqi binali yildirim, özbékistandiki dölet ishliri ziyariti jeryanida pirézidént shewket mirziyayéw teripidin qobul qilindi.
türkiye awazi radiyosi xewiri: özbékistan pirézidénti shewket mirziyayéw türkiye büyük millet mejlisi bashliqi binali yildirimni qobul qilghanda söz qilip, siyasiy irade we ortaq tirishchanliqlar sayisida yéqin we dostane bolup kéliwatqan özbékistan – türkiye munasiwetlirining istratégiyelik shérikchilik sewiyesige kötürülgenlikini tekitldi we türkiye bilen özbékistan arisida her xil sahaler boyiche imzalanghan kélishimlerning bu xil ziyaretler arqiliq téximu mustehkem asaslargha ige bolup, ijabiy hemkarliqqa aylanghanliqini éytti.
pirézidént shewket mirziyayéw, kélishimlerning ijra qilinishi bilen birge, ortaq pilanlar we hemkarliq layihelirini yoruq körüshide parlaméntlarning aktip qollishining muhim ikenlikini tilgha élip ötti.
türkiye büyük millet mejlisi bashliqi binali yildirimmu ziyariti jeryanida, yéqinqi mezgillerde özbékistanda élip bérilghan keng kölemlik islahatlargha yuqiri baha bérip, türkiyening, özbékistan iqtisadini we ijtimaiy sahesini güllendürüsh yolidiki pilan – layihelerni her jehettin qollap – quwwetleshke teyyar ikenlikini qeyt qildi.
uchrishishta terepler, eneniwi dostluq we uzun muddetlik istratégiyelik hemkarliq munasiwetlirini téximu kücheytish toghrisidiki qarashlirini otturigha qoyup ötti.
binali yildirim arqidin özbékistan bash ministiri abdulla aripow bilen körüshüp, ikki terep munasiwetliri toghrisida sözleshti.
yildirim yene, paytext tashkenttiki musteqilliq we hiyumanizmm xatire sariyini ziyaret qilip, gülchembirek qoydi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
