tinchliq we erkinlik bayrimi tebriklenmekte

shimaliy qibris türk jumhuriyitide 20 – iyul tinchliq we erkinlik bayrimi tebriklenmekte.

1016097
tinchliq we erkinlik bayrimi tebriklenmekte

türkiye awazi radiyosi xewiri: 20 – iyul tinchliq we erkinlik herikitining 44 – yilliqi munasiwiti bilen ötküzülüwatqan murasimlarning ikkinchi künide, paytext lefkoshada atatürk xatire sariyigha gülchembirek qoyuldi.

hörmette turulghan we istiqlal marshi oqulghandin kéyin shimaliy qibris türk jumhuriyiti jumhur reisi mustafa aqinji bilen türkiye jumhuriyiti muawin jumhur reisi fuat oktay atatürk xatire sariyining mexsus deptirini imzalidi.

tinchliq we erkinlik herikitini tebriklesh paaliyetlirining esli adrési lefkoshadiki doktor fazil küchük kochisi idi.

parattin ötüsh murasimi shimaliy qibris türk jumhuriyiti jumhur reisi mustafa aqinjining xelqqe salam bérishi bilen bashlandi.

murasimlargha türkiyege wekaliten muawin jumhur reis  fuat oktay, türkiye büyük millet mejlisi bashliqi wekili lewent gök we bir guruppa parlamént ezasi qatnashmaqta.

yene bir tereptin, barbaros etriti chanaqqele su asti paraxoti we «neyze» namliq topchi paraxotimu girnede xelqning ziyaritige échiwétildi.

murasimlar dairiside türk cholpanlirimu girne asmanlirida maharet körsitidu.

bu ariliqta, qibris tinchliq herikitining 44 – yilliqi munasiwiti bilen türkiye armiyesi ammiwi ortaqlishish tor bétidiki sehipiside tarixiy körünüshlerni hembehirleshti.

murasimlar kech tereplerde shimaliy qibris türk jumhuriyiti jumhur reisi mustafa aqinji teripidin bérilidighan ziyapet arqiliq axirlishidu.



مۇناسىۋەتلىك خەۋەرلەر