türkistandiki 4 – nöwetlik türk dunyasi uniwérsitét yashliri yazliq mektipi axirilashti

türkiye awazi radiyosi xewiri: qazaqistanning türkistan shehiride türkiy jumhuriyetliridin kelgen 388 oqughuchining qatnishishi bilen ötküzülgen «4 – nöwetlik türk dunyasi uniwésitét yashliri yazliq mektipi» axirilashti.

xoja ehmed yesewi xelqara türk - qazaq uniwérsitétining sahipxanliqida 18 – iyundin 15 – iyulghiche ötküzülgen yazliq mektepke türkiyening 50 uniwérsitétidin 208 oqughuchi, qazaqistan, ezerbeyjan we özbékistandin 180 oqughuchi bolup, jemy 388 oqughuchi qatnashti.

yazliq mektep bir ay dwamlashqan bolup, özbékistan, qazaqistan we qirghizistandin kelgen oqughuchilar asasen dégüdek türkche kurslargha qatnashti. türkiyedin barghan oqughuchilar bolsa, qazaqche we rusche ögendi.

türkiyelik oqughuchilar üchün qazaqistan, özbékistan we qirghizistan sheherliride seyle – sayahet pirogrammilirimu orunlashturuldi.

oqughuchilar yazliq mektep dairiside yene, muzika, tenterbiye, konféras we bashqa kültür paaliyetlirigimu qatnashti.

türk dunyasi uniwérsitét yashliri yazliq mektepliri, xoja ehmed yesiwi uniwérsitétida 2015 – yilidin buyan eneniwiy shekilde her yili ötküzülüp kelmekte.