ezerbeyjan – erméniye tashqi ishlar ministirliri söhbet ötküzdi
ezerbeyjan tashqi ishlar ministiri elmar memmedyarow bilen erméniye tashqi ishlar ministiri édward nalbandyan polshaning krakow shehiride «taghliq qarabagh» mesilisi toghruluq söhbet ötküzdi.
892338
türkiye awazi radiyosi xewiri: yawropa bixeterlik we hemkarliq teshkilati minisk guruppisining teng hoquqluq reislirimu qatnashqan söhbette, «taghliq qarabagh» mesilisini hel qilish teklipliri muzakire qilindi.
texminen 6 saet dawamlashqan söhbettin kéyin ezerbeyjan tashqi ishlar ministiri elmar memmedyarow yazma bayanat élan qilip, yawropa bixeterlik we hemkarliq teshkilati minsk guruppisining teng hoquqluq reislirining muzakirilerni dawamlashturush meqsitide féwralning bashlirida rayonda ziyarette bolidighanliqini eskertti hemde söhbetning muweppeqiyetlik ötkenlikini, mesilini hel qilish muzakirilirining pat – pat ötküzülüshi lazimliqini tekitlidi.
