özbékistan hawa yolliri shirkitige türk meslihetchi

türkiye awazi radiyosi xewiri: özbékistan hawa yolliri shirkitining bildürüshiche, türkiye hawa yolliri shirkitining sabiq diréktorliridin siwrikaya özbékistan hawa yolliri shirkitining istiratégiyelik kéngiyish ishlirigha mesul meslihetchilikige teyinlengen.

özbékistan pirézidénti shewket mirziyoyéw we uning hemrahliqiki heyetning öktebirdiki türkiye ziyariti jeryanida, özbékistan hawa yolliri shirkiti türkiyening awiyatsiye mutexessisi siwrikayagha teklip sunghan hemde bu heqte élip bérilghan muzakiriler netijiside siwrikaya teklipni qobul qilghan.

igilinishiche, bu hepte özbékistan hawa yolliri shirkitide ishleshke bashlighan siwrikaya, shirketni tereqqiy qildurush istiratégiyelik pilanini tüzüsh guruppisidin orun alidiken. buningdin bashqa yene, shirketning ayropilan sétish, pilanlash, uchur téxnikisi qatarliq  ishlargha mesul bolidiken.