uyghur élide musulmanche isim qoyulghan balilar türlük heq – hoquqlardin behrimen bolalmaydu

uyghur élide musulmanche we milliyche isim qoyulghan balilar dölet igilikidiki mekteplerde oquyalmaydu, nopusqa tizimlitalmaydu we ijtimaiy xizmetler qatarliq türlük heq – hoquqlardin behrimen bolalmaydu.

720904
uyghur élide musulmanche isim qoyulghan balilar türlük heq – hoquqlardin behrimen bolalmaydu

türkiye awazi radiyosi xewiri: xitay uyghur aptonom rayonining herqaysi jaylirida musulmanlarning musulmanche we milliyche isim qoyushini cheklesh toghruluq chiqarghan qarari arqiliq «muhemmed» ismini ishlitishnimu chekleshni nishan qilmaqta.

«esebiylikke qarshi turush» meqsitide élinghanliqi ilgiri sürülgen qarargha saslanghanda, buningdin kéyin perzentlirige musulmanche we milliyche isimlarni qoyghan musulmanlar balilirini nopusqa tizimlitalmaydiken.

balilirigha cheklengen isimlarni qoyghanlar eger bu isimlarni özgertmise, bu balilar dölet igilikidiki mekteplerde oquyalmaydiken we ijtimaiy xizmetlerdin behrimen bolalmaydiken.

xitay hökümitining qararigha asaslanghanda, uyghur élide musulmanlar balilirigha «muhemmed», «aishe», «patime», «xediche», mujahid», «jihad», «talib», «imam», «muslime», «sumeyye», «nesrullah», «türknaz», «türkizat», «haji», «erefat» «medine», «shemsidin», «seypullah», «abduleziz»,  «sadam», «bin ladin», «esedullah», «muxlise» qatarliq isimlarni qoyalmaydiken.

uyghur élide musulmanlarning balilirigha musulmanche we milliyche isim qoyushi cheklengendin bashqa yene, erlerning uzun saqal qoyushiningmu meniy qilinghanliqi uqturuldi.

amérika qoshma ishtatlirining washington shehiridiki uyghur – amérika jemiyitining muawin mesuli ilshat hesen, xitay hökümitining qararining «hamaqetlik» ikenlikini eskertti hemde buning béyjingning uyghur musulmanlirigha qaratqan assimilyatsiye siyasitining bir örniki ikenlikini tekitlep mundaq dédi: «ata – anilarning balilirigha musulmanche we milliyche isim qoyushi eng addiy kishilik we insaniy hoquq bolup, xitayning asasiy qanunidimu bu cheklimining héchqandaq asasiy yoq.»

xelqara kishilik hoquqni közitish teshkilatimu uyghur musulmanlirigha qaritilghan bu cheklimining «insaniy heq – hoquqlarni hemme yaqtin qamal hem depsende qilish» hésablinidighanliqini tekitlep, xitaygha qattiq naraziliq bildürdi.  

teshkilat balilirigha xalighanche isim qoyushning ata – anilarning eng tebiiy  heqqi ikenlikini, shunga bu mesilige döletning arilishish hoquqi yoqluqini tekitlidi.

kishilik hoquq guruppiliri xitayni uyghur élide xelqni qattiq basturush, zalimlarche muamile qilish, öylerge qanunsiz halda basturup kirish, diniy paaliyetlirini cheklesh, oxshimighan medeniyet we tillargha qarita assimilyatsiye siyasetlirini yürgüzüsh bilen eyiblimekte.



مۇناسىۋەتلىك خەۋەرلەر