xoten wilayitide 97 kadir jazalanghan
xoten wilayitining guma, qaraqash, kériye, lop, chira, niye, xoten nahiyesi we xoten shehiride 97 memuriy xadimgha her xil jaza bérilgenliki bildürüldi.

türkiye awazi radiyosi xewiri: xoten wilayitide wilayet, nahiye we yéza, kent derijilik orunlarda xizmet qiliwatqan 97 kadirning jawabkarliqi sürüshtürülüp, her xil jazalar bérilgen.
ijtimaiy taratqularda tarqalghan xewerlerdiki melumatlargha asaslanghanda, jaza bérilgenler uyghur we xitay millitidin bolup, uyghurlar köp sanliqni igiligen. jaza bérilgenler saqchi, sot, idare-organlar we yéza-kent bashliqliridin terkip tapqan. ular asasliqi bixeterlikini höddige alghan kentte qonmasliq, düshenbe künidiki bayraq chiqirishqa waqtida barmasliq yaki bayraq chiqirishqa chiqmighanlarni toluq tizimlimasliq, xizmitide estayidil bolmasliq, kent ehwalini pishshiq igilimeslik, idéologiye jehette éniq bolmasliq, qalaymiqan heq yighish, istili yaxshi bolmasliq, meschitke namaz oqughili kelgenlerning ismini toluq tizimlimasliq, waqtida xizmet ornida bolmasliq, bashqilardin nep ündürüsh, pul bermise ish béjirmeslik, charlashqa qatnashmasliq, yighingha qatnashmasliq, diniy xadimlar bilen söhbet ötküzmeslik, diniy zatlarning aldida qorqmay tamaka chekmeslik qatarliq qilmishlarni sadir qilghan. bulargha xizmitidin heydesh, partiye ichide qaldurup agahlandurush, derijisini töwenlitish we partiyedin qoghlap chiqirish qatarliq jazalar bérilgen.
مۇناسىۋەتلىك خەۋەرلەر

ezerbeyjanda sheher-yéza we kent mejlis ezaliqi üchün saylam ötküzüldi
ezerbeyjanda sheher, yéza-bazar we kent mejlis ezaliqi üchün saylam élip bériliwatidu.