türkiyediki uyghurlarning küchlük qollighuchisi newzat türkden ependi wapat boldi

türkiye awazi radiyosi xewiri: 1965 - yili uyghur rayonidin afghanistan arqiliq türkiyege hijret qilip, qeyserige yerleshken uyghurlargha taki hayatining axirighiche maddi, meniwi her türlük yaridemlerde bolup kelgen adwokat newzat türkden ependi qeyseridiki uyghular arsida «newzat aka»dep alahide hörmetlinetti.

newzat türkden ependi 40 yildin buyan izchil neshir qiliniwatqan «erjiyis zhurnili»ning qurghuchisi we banisi bolup, u öz nöwitide uyghurlarning küchlük qollighuchisi, akisi, qol – qaniti, uyghur mesilisi we kültürini tonutushqa xalisane töhpe qoshquchisi depmu meshhur idi. 

newzat türkden ependi 1928 – yili 2 - iyunda qeyseride tughulghan bolup, istanbul uniwérsitéti qanun fakultétini pütküzgen we 1995 – yilidin tartip qeyseride adwokatliq bilen shughullanghan idi. u «erjiyis zhurnili»ni 1979 – yili tesis qilip, qeyseri medeniyiti shundaqla uyghurlar we türk dunyasini tonutushqa chong tohpileni qoshqan idi.

newzat türkden ependi qeyseri we türk dunyasgha körsetken xalisane xizmetliri yüzisidin nurghun qétim chong mukapatlargha érishti.

newzat türkden ependining wapati pütün türkiyediki uyghurlarni chongqur qayghugha saldi. qeyseride turushluq uyghurlar teziye ziyaritide bolup, dua - tilawetlerni qildi.

türkiye metbuatlirimu uning wapatigha alahide orun ajratti.  uning wapat bolghanliq xewiri uyghurlar arisida ijtimaiy taratqular arqiliq keng tarqaldi. xewerni anglighan uyghurlar newzat türkden ependige allahtin rehmet we ailisige sewr – taqet tilekliride boldi.