ئەسەد كۈچلىرى تۈركمەن تېغىغا ھۇجۇم قوزغىدى

تۈركىيە ئاۋازى رادىيوسى خەۋىرى: ئەسەد كۈچلىرى جەبەلۇلئەكراد رايونىدىكى قىببانى يېزىسى ۋە ئۇنىڭ ئەتراپىنى ئۇرۇش ئايروپىلانلىرى تىك ئۇچار ئايروپىلانلار بىلەن بومباردىمان قىلماقتا. ئەسەد كۈچلىرىنىڭ يەنە، تۈركمەن تېغىدىكى كەلەز، ساللۇر، يامادى ۋە زەيتىنجىك يېزىلىرىنى بومباردىمان قىلغانلىقى، رايوندا بەزىدە شىددەتلىك توقۇنۇشلارنىڭ يۈز بەرگەنلىكى، ئۆلگەنلەر ۋە يارىلانغانلارنىڭ بارلىقى قەيت قىلىندى.

ھاكىمىيەت كۈچلىرى تۈنۈگۈن تۈركمەن تېغىدىكى ئىسا پىنار يېزىسىغا كىرىشىگە تىرىشقان بولسىمۇ، ئۆكتىچىلەرنىڭ قارشىلىق كۆرسىتىشى نەتىجىسىدە چېكىنىشكە مەجبۇر بولۇپ قالغانىدى.

رايوندىكى پارتلاش ئاۋازلىرى سۈرىيە چېگراسىغا جايلاشقان تۈركىيەنىڭ خاتاي ۋىلايىتى يايلاداغى ناھىيەسىدىمۇ ئاڭلانماقتا.