موڭغۇلىيەدە قەدىمكى تۈركلەرگە ئائىت تاش ھەيكەللەر تېپىلدى

تۈركىيە ئاۋازى رادىيوسى خەۋىرى: خەلقئارا تۈرك ئاكادېمىيەسىنىڭ بىلدۈرۈشىچە، موڭغۇل ۋە قازاق ئارخېئولوگلارنىڭ شىۋېت ئۇلان رايونىدىكى بىر قەبرىستانلىقتا ئېلىپ بېرىۋاتقان ئارخېئولوگىيەلىك قېزىپ تەكشۈرۈش پائالىيەتلىرى داۋامىدا، قەدىمكى تۈركلەرگە ئائىت تاش ھەيكەللەر تېپىلغان.

 24 – ئاۋغۇست ئارخېئولوگىيەلىك قېزىپ تەكشۈرۈش پائالىيەتلىرى دائىرىسىدە، «پايانسىز يايلاقلاردىكى كۆچمەن چارۋىچى خەلقلەرنىڭ مىسلىسىز ھايات ھېكايىلىرى» تېمىلىق ئىلمىي مۇھاكىمە يىغىنى چاقىرىلىدىغان بولۇپ، يىغىنغا، ئەزەربەيجان، قازاقىستان، قىرغىزىستان، موڭغۇلىيە، تۈركىيە ۋە رۇسىيەدىن نۇرغۇن ئالىملار قاتنىشىدىكەن.