تايلاند تۈرمىسىدىكى ئىككى ئۇيغۇر ئۈچۈن تەرجىمان تېپىلمىغان

تۈركىيە ئاۋازى رادىيوسى خەۋىرى:  تايلاند تۈرمىسىدە تۇتۇپ تۇرۇلۇۋاتقان ئىككى ئۇيغۇرنىڭ ئىچىدىكى بىرىنىڭ ئادۋوكاتى چۇچارت خانپىھاي (Choochart Khanphai (دۈشەنبە (6 – ئىيۇن) ئانادولۇ ئاگېنتلىقى مۇخبىرىنىڭ زىيارىتىنى قوبۇل قىلىپ، تۇتۇپ تۇرۇلۇۋاتقان ئىككى ئۇيغۇر ئۈچۈن ئۇيغۇرچە – ئىنگىلىزچە تەرجىماننىڭ تېپىلمىغانلىقىنى ئېيتقان.

ئىگىلىنىشىچە، بۇ ئىككى ئۇيغۇرنىڭ ئىلگىرىكى سوتلىرىدا تەرجىمانلىق قىلغان ئۆزبېك تەرجىمان باھادىروف يېنىدىن زەھەرلىك چېكىملىك چىقىپ قالغانلىقى ئۈچۈن تۇتۇپ كېتىلگەن. ئەمما ئۇ، بۇ ئەيىبلەشلەرنى رەت قىلغان.