уйғур районида мукапатлаш қануни елан қилди

уйғур аптоном районлуқ һөкүмәт 11 – апрел террорчиларни паш қилған вә йип учи билән тәминлигүчиләрни мукапатлаш қануни» елан қилди.

уйғур районида мукапатлаш қануни елан қилди

түркийә авази радийоси хәвири: уйғур аптоном райони 11 - апрел «террорчиларни паш қилған вә йип учи билән тәминлигүчиләрни мукапатлаш қануни» елан қилип, пуқраларни террорчиларни байқаш вә паш қилишқа риғбәтләндүргән. қәйт қилинишичә, бу хитайдики тунҗи өлкә дәриҗилик мәмурий қанун һесаблинидикән.

иҗтимаий таратқуларда тарқалған учурларға асасланғанда, мәзкур қанун бойичә хизмәт көрсәткәнләр йуқири болғанда 5 милйон йүән билән мукапатлинидикән. паш қилиш даирәси, җәмийәт муқимлиқи, аманлиқ, ишләпчиқириш бихәтәрлики, диний ишлар, җәмийәттики гәп – сөзләр, интернет муназирәлири қатарлиқларни өз ичигә алидикән. алдинала хәвәр бәргән, бинормал әһваллардин хәвәр бәргүчиләргә әң аз болғанда, 200 миң йүән мукапат берилидикән. буниңдин башқа, мәзкур қанунни техиму әмәлий иҗра қилиш үчүн паш қилғанларға пулдин сирт, хизмәткә орунлишиш вә оқуш ишлирида қолайлиқ йаритип берилидикән.



مۇناسىۋەتلىك خەۋەرلەر