ezerbeyjan armiyesi erméniye nishanlirini bitchit qilip tashlidi

türkiye awazi radiyosi xewiri: ezerbeyjan mudapie ministirliqi bu heqte bayanat bérip, erméniye küchlirining yéqindin buyanqi buzghunchiliq qilish qilmishlirigha inkas qayturush bilen birge yéngi buzghunchiliq heriketlirige teyyarliq qiliwatqan ermen küchlirige zerbe bérilgenlikini eskertti.

ezerbeyjan armiyesining zembirek hujumida köp sanda ermen eskirining talapetke uchrighanliqi, bir qisim herbiy aptomobillirining yoqitip tashlanghanliqi qeyt qilinghan bayanatta, «düshmenning barliq buzghunchiliq qilish tirishchanliqlirigha we ahaliler rayonlirigha oq chiqirishigha del waqtida qattiq inkas qayturidighanliqimizni agahlandurimiz. eksiche bolghanda, düshmenning aghdere, magadis, talish we bashqa rayonlargha orunlashturulghan herbiy qisimliri topqa tutup yoqitip tashlinidu» dégen ibarilerge orun bérildi.