әзәрбәйҗан армийәси әрменийә нишанлирини битчит қилип ташлиди

түркийә авази радийоси хәвири: әзәрбәйҗан мудапиә министирлиқи бу һәқтә байанат берип, әрменийә күчлириниң йеқиндин буйанқи бузғунчилиқ қилиш қилмишлириға инкас қайтуруш билән биргә йеңи бузғунчилиқ һәрикәтлиригә тәййарлиқ қиливатқан әрмән күчлиригә зәрбә берилгәнликини әскәртти.

әзәрбәйҗан армийәсиниң зәмбирәк һуҗумида көп санда әрмән әскириниң талапәткә учриғанлиқи, бир қисим һәрбий аптомобиллириниң йоқитип ташланғанлиқи қәйт қилинған байанатта, «дүшмәнниң барлиқ бузғунчилиқ қилиш тиришчанлиқлириға вә аһалиләр районлириға оқ чиқиришиға дәл вақтида қаттиқ инкас қайтуридиғанлиқимизни агаһландуримиз. әксичә болғанда, дүшмәнниң ағдәрә, магадис, талиш вә башқа районларға орунлаштурулған һәрбий қисимлири топқа тутуп йоқитип ташлиниду» дегән ибариләргә орун берилди.